Репрезентацијата на Бразил синоќа стана нов светски шампион во футсал, откако во големото финале на првенството во Узбекистан го совлада најголемиот јужноамерикански ривал Аргентина (2-1).
Ова беше шеста светска круна за „кариоките“ во досегашните десет изданија од ова натпреварување. Бразил ја освои титулата благодарение на головите на Ферао и Рафа Сантос, а Роса им ја врати надежта на Аргентинците на две минути пред крајот. Голманот на кариоките Вилијам беше несовладлив, правеше чуда меѓу стативите.
Украина дојде до бронзениот медал, откако во „малото финале“ ја победи Франција (7-1).
