Првото дерби во новата сезона во НБА го одиграа екипите на Лос Анџелес Клиперс и Феникс Санс.
Триумфираше тимот од Аризона со 116-113 по продолжение иако малку фалеше да го загуби натпреварот по основниот дел. На средина од последната четвртина Клиперс имаа предност од 10 разлика (91-81). Ситуацијата ја спаси Кевин Дурант кој погоди од исклучително тешка позиција за израмнување на 20-тина секунди пред крајот и го одведе натпреварот во дополнителни пет минути.

Трагичар беше Џејмс Харден кој во финишот промаши три шута во низа со кои можеше да донесе недостижна предност за Клиперс, а потоа, во последниот напад од продолжението, ја испушти топката и го оневозможи својот тим да упати шут за евентуално израмнување.

Дурант беше најдобар играч на Феникс со 25 постигнат поени, Бредли Бил додаде 24, а Букер имаше 15. Харден беше блиску до трипл дабл, постигна 29 поени, 12 скока и 8 асистенции, но сето тоа го уништи со неколку грешки во клучните моменти.