Бетис одигра одличен натпревар, создаде повеќе прилики за гол, но на крајот како одлучувачки се покажа автоголот на Хозе Марија Хименез на стартот од натпреварот.
Дефанзивецот на Атлетико си ја погоди сопствената мрежа по една лоша реакција во четвртата минута.
https://twitter.com/i/status/1850593094049095866
Бетис во второто полувреме постигна уште еден гол преку Витор Роке, но истиот беше поништен поради офсајд ситуација. До крајот на мечот избраниците на Чоло Симеоне притиснаа и се обидоа да дојдат барем до еден бод, но домаќинот умешно ги затвори сите приоди кон голот и успеа да стигне до петтиот сезонски триумф.
Бетис сега има 18 бода и се искачи на петтата позиција, додека Атлетико Мадрид е четврти, со два бода повеќе од денешниот ривал.
