Многу глупости прави надвор од терените, има проблеми со повреди, но Џа Морант секако е еден од најдобрите кошаркари во НБА лига и во светот во моментов.

 

Ноќеска Мемфис доживеа минимален пораз од Бруклин со 104-106, но Морант одигра извонреден натпревар, постигнувајќи 25 поени, 9 асистенции и 5 скока. Повеќе од се ги воодушеви љубителите на кошарката со своите потези.

 

Во два наврата поентираше откако се ослободи од противничките играчи со популарното „360 положување“, односно со вртење околу својата оска и сето тоа во скок. За жал, неговата партија не беше крунисана со победа, но секако ќе има и триумфи ако успее да влезе во континуитет и ги избегне повредите.