Францускиот дефанзивец Жил Кунде беше одличен во победата на Барселона на гостувањето во Белград кај Црвена Звезда (5-2) во четвртото коло од Лигата на шампиони (ЛШ).

Кунде запиша дури три асистенции за каталонскиот гигант и така се најде во специјално друштво, односно тројца други дефанзивци на кои им успеало такво нешто.

Од сезоната 2016/17 само четворица дефанзивци запишале по три асистенции, а тоа се Жорди Алба против Тотенхем во 2018, Ашраф Хакими против Атлетико во 2018, Жоао Кансело против Клуб Бриж во 2021 година и Кунде против Црвена Звезда.