Oфицијално – Златната топка за Лионел Меси

Лионел Меси повторно ја освои „Златната топка“ за најдобар играч во светот во изминатата 2021 година.

Аргентинецот беше избран во тешка конкуренција пред Роберт Левандовски, Жоржињо, Карим Бензема и Н’Голо Канте, кои по тој редослед се поредија по Меси. Кристијано Роналдо го зазеде „само“ или „дури“ шестото место, пред Салах, Де Брујн, Донарума, Халанд …

За Меси ова е седма, рекордна „Златна топка“, сега има две повеќе од Кристијано Роналдо и тешко дека Португалецот ќе успее да го стигне во 2022 и 2023 година.

Меси ја доби наградата за најдобар во светот во 2009, 2010, 2011, 2012, 2015 и 2019 година, а најмногу ја освои затоа што како капитен и најдобар играч ја предводеше Аргентина до трофејот на Копа Америка.

Покрај тоа, со Барса го освои и Купот на кралот, беше прв стрелец на Ла Лига со 30 гола, но не успеа да стигне до трофејот .

Во суштина, тој беше статистички индивидуално, како и секогаш извонреден, не како Левандовски, но го освои најважниот репрезентативен трофеј и беше најдобар играч на Копа Америка.

Многумина се прашуваа како Жоржињо како победник на Лигата на шампионите и на Европското првенство и како важен шраф на Челзи и Италија не е прогласен за најдобар, па поради ваквите прашања оваа награда повеќе не ја сфаќаат како некогаш

Конечно, интересно е да се потсетиме на вечниот список кој дополнително ќе покаже зошто никој никогаш нема да го престигне Меси.

По него се седум, Роналдо со пет, а потоа следат Мишел Платини, Јохан Кројф и Марко ван Бастен со три „Златни топки“.

Значи, неопходно е некои од активните играчи, како Мбапе, Халанд или некој друг, да доминираат толку многу во следната деценија што ќе бидат најдобри во седум од, да речеме, 10, 11 години.