Каталонскиот гигант Барселона под водството на германскиот стратег Флик оствари уште една значајна победа во битката за титулат во Примера. На домашен терен славеше во каталонското дерби против Жирона, со 4-1. Барселона е убедливо најефикасна екипа во Европа, во топ 5 лигите кои се водечки во светот на фудбалот, а Ханси Флик од синоќа е и клупски рекордер.
Екипата на Барселона под водство на Германецот сезонава постигна 139 гола на 45 натпревари, а дури на 35 од нив успеаја да постигнат по најмалку четири голови. Треба да се напомене дека фудбалерите на Барса сезонава имаат и дури 25 удари во рамката на голот. Досега ваков ефект немал ниту еден тренер во историјата на „каталонците“.
Остануваат уште девет кола до крајот на Ла Лига, а Барселона има три бода предност пред најголемиот ривал Реал Мадрид и шест повеќе од Атлетико Мадрид. „Каталонците“ наредниот дуел повторно го играат на домашен терен, кога на „Монжуик“ го пречекуваат тимот на Бетис, а претходно имаат реванш против Атлетико Мадрид во Купот на Шпанија.
