Македонскиот интернационалец Димитар Митровски му донесе бод на Вараждин во ремито против Динамо Загреб (1-1).  Македонецот беше меѓу најдобрите, но и најзаслужен што актуелниот хрватски првак не успеа да триумфира на ова гостување.

Митровски влезе вториот дел во 61. минута, а петнаесетина минути подоцна со прецизен удар ја затресе мрежата на Динамо Загреб. Марио Младеновски одигра цел натпревар во одбраната на Вараждин, а половина час одигра и Атдхе Мазари.

Динамо израмни од пенал, со голот на Бруно Петковиќ.

Нашиот Стефан Ристовски ги одигра последните дваесет минути од натпреварот во дресот на Динамо Загреб.

Хајдук Сплит на домашен терен го совлада тимот на Шибеник со 1-0, со прекрасниот гол на Иван Ракитиќ од слободен удар и се врати на врвот на табелата, прескокнувајќи ја Ријека.