На почетокот на последната четвртина се чинеше дека е неизбежен вториот пораз на Црвена Звезда во АБА лигата, но во последните десет минути се се сврте!

Кошаркарите на Црвена звезда ја постигнаа десеттата победа во АБА-лигата , откако по големт пресврт во Ново Место го совладаа домашниот тим Крка со резултат 71:70!

Без Вајт, Кузмиќ и Добриќ, Звезда беше во контра-ритам од самиот почеток на мечот, без решение во нападот, шутот за три поени особено не функционираше во првата четвртина, а Крка предводена од Стипчевиќ и Лапорник  го искористи тоа за да дојде до блага предност по првите десет минути , домаќинот водеше со 16:12.

На стартот на втората четвртина Звезда врза три тројки, две  Холинс, а една ја погоди Давидовац и црвено-белите потоа поведоа со 21:17, но потоа следеше вистински бродолом во играта на Звезда, Крка ја презеде играта , се разигра Јан Коси и домашните стигнаа до десет поени предност пред крајот на полувремето, по што Волтерс ја прекина таа серија на Крка и намали на 35:27 по 20 минути игра.

Се очекуваше Звезда да започне поорганизирано во вториот дел и со многу поголема енергија, но наместо тоа, Крка продолжи да доминира на теренот, со одличен шут за три поени и на средината од третата четвртина домашните стигнаа до 18 поени. предност – 48:30!

После тоа тренерот на Црвена звезда Дејан Радоњиќ реагираше со тајм-аут, а потоа Бранко Лазиќ со своите поени ја прекина оваа серија на домаќини.

И токму кога Звезда ја засили одбраната, настана нов проблем – повредата на Марко Симоновиќ, кој во контранапад го згазна стапалото на Рок Стипчевиќ и во таа прилика го повреди зглобот.

Сепак, во тие моменти Звезда успеа да направи серија од 6:0, која Шпан ја прекина за водство на Крка 50:36. Нешто подоцна Стефан Марковиќ ја погоди само првата тројка на Звезда во вториот дел, пред крајот на третата четвртина, но повторно Звезда попушти во одбраната, па новата тројка на Рок Стипчевиќ  на крајот од третата четвртина ма Крка и донесе 17 поени предност – 59:42.

Звезда остана да прави се или ништо во последната четвртина, во која остана без тренерот Дејан Радоњиќ, кој најпрвин беше казнет поради техничка грешка поради протест, а потоа и исклучен.

Сепак, во тие моменти се разиграа Калиниќ и Марковиќ, почнаа да погодуваат и со тројката на Марковиќ Звезда на пет минути пред крајот дојде на само седум поени разлика – 62:55.

Тренерот на Крка реагираше со тајм-аут, но Звезда фати ритам, а Мацура го направи и петтиот прекршок, по што Давидовац погоди слободни фрлања за 62:57.

Домашните во тие моменти целосно ја загубија самодовербата, петтиот прекршок го направи Јан Шпан, а главната улога на паркетот ја имаше Дејан Давидовац, кој  и донесе голем пресврт на Звезда од линијата за слободни фрлања – 63. :62 за црвено-белите.

Крка успеа за кратко повторно да поведе, но потоа на Роко Стипчевиќ му беше досуден петтиот прекршок, што беше 11. прекршок досуден за домашните во последната четвртина!

На влезот во последните 40 секунди Крка сепак успеа да поведе со 68:66, но потоа излезе и Лапорник поради пет фаули! Тој беше четвртиот домашен играч кој излезе во последната четвртина поради пет пенали. Калиниќ погоди само едно слободно фрлање, Звезда намали на 68:67, драмата го достигна врвот!

Во отсуство на сите споменати играчи, одговорноста во тимот на Крка ја презеде Гибс, кој изнуди прекршок и погоди за водство од 70:67, но Звезда имаше нов напад.

По тајм-аутот на црвено-белите, Калиниќ погоди тројка за израмнување, а од друга страна на Гибс му беше досуден прекршок во нападот на 1,3 секунди пред крајот, плус техничка грешка на тренерот Дамјановиќ поради протест!

Калиниќ погоди  за победа на Звезда од 71:70!

Давидовац со 19 поени и 10 скока беше најефикасен кај Звезда, од кои дури 14 постигна од линијата за слободни фрлања. Калиниќ постигна 11, а Марковиќ 10 поени.

Во тимот на Крка Стипчевиќ 16 поени, Гибс постигна 14, а Коси и Лапорник по 12 поени.