Веселин Вујовиќ го заврши својот трет мандат на клупата на Вардар, а раководството на „црвено-црните“ веќе е во потрага по нов стратег.
Рускиот „Брз Центар“ пишува дека Шпанецот Давид Дејвис е најсериозен кандидат за жешката тренерска клупа во македонскиот шампион и дека од јануари би се преселил во Скопје.
Од 2014 година до 2018 година, Дејвис веќе беше дел од „црвено-црното“ семејство, и би се вратил во позната средина.
Според информации на 24Ракомет претседателот на Вардар и Дејвис веќе имале првичен контакт, и тој е еден од повеќемина потенцијални кандидати за жешкото столче на Вардар.
За конкретен договор се уште немало преговори и се очекува тие да започнат кон средина на наредната недела кога би требало да се знае името на новиот тренер.
Покрај Дејвис кој е најсериозен кандидат за превземање на клупата ,како можни опции се споменуваат и имињата на Урош Зорман и Славко Голужа .
