Седмо место, 27 бодови од 17 натпревари и многу проблеми и на теренот и надвор од него. Сегашноста на Барселона во никој случај не е добра. По победата над Елче, која на Барса и ја донесоа тинејџерите со со своите голови, Чави имаше што да каже за секој од нив.
Прво за Гави, играчот на натпреварот кој со гол и асистенција значително придонесе за третата победа на Чави во Примера. Тоа што секој натпревар го започнува во првиот состав јасно говори дека тој смета на него на Ноу Камп.
„Да се има играч како Гави е неверојатно. Начинот на кој се натпреварува на 17 години, се што прави. Тој е неверојатен. Тој е иднината на клубот“, изјави Чави на конференцијата по натпреварот.
Потоа за неговите врсници. Чави тврди дека се поталентирани од генерацијата која ги роди Серхио Бускетс, Педро, Бојан Кркиќ, а една година подоцна Серхио Роберто.
„Не само Гави, туку и Араухо, Рики Пуиг, Балде, Нико, Абде… Фантастична генерација. Мислам дека се подобри од Бускетс и Педро, бидејќи тоа се седум играчи кои играат на високо ниво. На нивна возраст бев исплашен, овие момците пукаат од самодоверба“.
Сепак, по мечот имаше приговори.
“Елче не смееше да добие толку простор за транзиција. Разговаравме за тоа. Направивме тактички грешки. Нивниот гол влијаеше на нас, но навивачите беа многу добри и освоивме три фантастични бода. се вративме во игра благодарение на нашите грешки. Тоа не смее да се случи. Мораме да се вратиме на нашиот модел, нашата позициска игра се уште не е добра и тоа ме изненадува. Не си ја работиме работата како што треба. Ни треба повеќе време“, рече Чави.
