Фудбалскиот клуб Кадиз му честиташе на напаѓачот на Реал Мадрид, Карим Бензема, кој денеска го слави својот 34-ти роденден.
Французинот игра фантастично во последните три сезони, постигнува голови како на лента и е незаменлив во Реал. Тој веќе има постигнато 13 гола во Ла Лига, а кога на тоа ќе се додадат седум асистенции, доаѓа до фактот дека директно учествуваше во создавањето на половина од головите на Мадрид оваа сезона!
Извесно е дека вечерва ќе игра против Кадиз, па клубот од Андалузија реши да му испрати честитка со посебна посвета.
„Среќен роденден Карим, земи слободен ден и прослави го роденденот со пријателите и семејството. Нема потреба денеска да доаѓаш на натпреварот“, порача Кадиз на социјалната мрежа Твитер.
https://twitter.com/Cadiz_CFEN/status/1472521879688777729?ref_src=twsrc%5Etfw%7Ctwcamp%5Etweetembed%7Ctwterm%5E1472521879688777729%7Ctwgr%5E%7Ctwcon%5Es1_c10&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FCadiz_CFEN2Fstatus2F1472521879688777729widget%3DTweet
