Севилја и Барселона одиграа 1-1 во дерби – натпреварот на „Санчез Пижуан“. Ова е одличен резултат за Севилја, ако се знае дека домаќинот од 64.минута играше со фудбалер помалку поради исклучувањето на Жул Кунде. Тој доби црвен картон поради неспортско однесување и фрлање на топка в лице кон противнички играч.
Сепак, на ремито најмногу се израдува лидерот Реал Мадрид кој ја задржа предноста од пет бода во однос на Севилја на врвот на табелата во ла Лига. Барселона се наоѓа на седмата позиција со 28 бода.
Папу Гомез во 32.минута донесе водство за Севилја, но израмни Роналд Араухо пред самиот крај на првиот дел.
Осман Дембеле во 84. минута го погоди дирекот, но Севилја сепак успеа да освои бод.
