Започна гласањето за составите на екипите на Ол-Стар викендот.
Натпреварот на најголемите ѕвезди во НБА лигата ќе се одржи на 22 февруари, а домаќин е Кливленд.
Фановите од целиот свет можат да гласаат за своите фаворити на три начини.
На официјалната веб-страница и апликација може да се гласа за по пет кошаркари од секоја од конференциите.
Се гласа и на Твитер, со внесување на хаштагот #NBAAllStar до името и презимето на играчот.
Корисниците на Твитер можат да гласаат 10 пати на ден, но можат да дадат најмногу два гласа на еден играч. Исто така се рачуна и секој ретвит на гласовите .
Има и бонус денови, кога гласовите се бројат двапати. Станува збор за католички Божиќ, 7, 13 и 20 јануари.
Гласањето завршува на 22 јануари.
