Кошаркарите на Голден Стејт го совладаа Феникс со 116:107 во дербито на Западната конференција.
Тимот на Стив Кер со тоа е осамен на врвот на табелата пред Санс, кој, сепак, има еден триумф помалку.
Стандардно најефикасен беше Стеф Кари со 33 поени, шест асистенции и четири скока, а најдобриот тројкаш во историјата на лигата по 13-ти пат сезонава успеа да постигне 30+ поени.
Кај Феникс најдобар беше Крис Пол со 21 поен, шест скока и осум асистенции. Го следеа Итон со 18 поени и седум скока и Бриџис со 17 поени и шест скока.
Тимовите се менуваа во водство наизменично во текот на целиот натпревар, за Вориорс да го прекинат ривалот со серија од 7:0 во финишот, да стигнат до победа и со тоа да ја потврдат својата кандидатура за највисоки дострели.
Следниот меч Голден Стејт го игра во среда против Денвер, додека Феникс ден претходно ќе се соочи со Мемфис.
НБА, Божиќен ден:
Никс – Хокс 101: 87
Бакс – Селтик 117:113
Сонца – Воини 107: 116
Лејкерс – Нетси 115: 122
Џез – Маверикс 120: 116
