Трипл-дабл на Леброн, Вестбрук и Херис, Ембид и Јанис без грешка
Кошаркарите на Лос Анџелес Лејкерс го совладаа Хјустон Рокетс со 132:123, со помош на Леброн и Вестбрук, и двајцата имаа трипл-дабл ефект.

Леброн Џејмс беше најдобар на натпреварот со 32 поени, 11 скока и 11 асистенции и покажа дека во 18-та сезона од кариерата е главен во својот тим и дека не можат без него.

Расел Вестбрук постигна 24 поени, 12 скока и 10 асистенции.

Ефикасни беа и Малик Монк со 25 и Кармело Ентони со 24 поени.

Двоцифрен беше и Ејвери Бредли со 14 поени.

Кај Хјустон се истакнаа Џејлен Грин со 24, Вуд и Кевин Портер Јуниор со 22, Кристофер со 14 и Ерик Гордон со 13 поени.

Њу Орлеанс Пеликанс на свој паркет го совлада Кливленд Кавалирс со 108:104 и така ги запре Кавс.

Пеликанс со пресврт во последната четвртина успеа да ја совладаат петтопласираната екипа од Истокот.

До победата ги предводеа Херберт Џонс со 26, Девонте Греј со 18, Герет Темпл со 17 и Јонас Валанчунас со 15 поени и 10 скока. Играа без Брендон Инграм.

Кај Кливленд се истакнаа Рики Рубио со 27 поени, 13 скока и 9 асистенции, Кевин Лав со 24 и Еван Мобли со 22 поени.

Актуелниот шампион, Милвоки Бакс, лесно го совлада Орландо, кој го совлада Меџик на гости со 127:110.

Најдобар беше Јанис Антетокумпо со 28 поени.

Го следеа Крис Мидлтон со 21, Боби Портис со 19 и Џру Холидеј со 18 поени и 10 асистенции.

На другата страна се истакна одличниот Франц Вагнер со 38 поени.

Мајами Хит ги совлада Вашингтон Визардс со 119:112 и полека го фаќа врвот на Истокот.

Ги предводеше Тајлер Херо со 32 поени, Данкан Робинсон постигна 26, додека Џими Батлер постигна 25 поени, осум скока и 14 асистенции.

На другата страна се истакна Динвиди со 24 поени, седум скока и 11 асистенции, Кузма постигна 22, а Дејвис Бертанс 19 поени.

Филаделфија 76ерс ги победија Торонто Репторс на гости со 114:109.

Џоел Ембид продолжи да доминира и постигна 36 поени  со 11 скока.

Трипл-дабл оствари Тобијас Харис, кој постигна 19 поени, 12 скока и 10 асистенции.

Кај Торонто се истакнаа Сијакам и Буш со по 28 поени, а Буш имаше 19 скока.

НБА, резултати
Меџик – Бакс 110:127
Репторс – 76ers 109: 114
Хит – Визардс 119: 112
Тимбервулвс – Никс 88:96
Пеликанс – Кавалирс 108:104
Рокетс – Лејкерс 123: 132
Кингс – Тандер 117: 111
Вориорс – Нагетс 86:89