Некои од европските великани се во последната година од нивните договори и има некои огромни имиња кои би можеле да заминат за следното лето и тоа бесплатно.

Пол Погба моментално има договор на Олд Трафорд кој завршува следното лето, откако се согласи на едногодишно продолжување до 2022 година.

Францускиот репрезентативец немаше голем успех во Манчестер Јунајтед поради неколку проблеми со повредите и неконзистентна форма, дури и признавајќи дека „може да биде добро време да има нов предизвик на друго место“.

Тој покажа ветувачки перформанси во последниве месеци, иако редовно беше поврзуван со враќање во поранешниот Јувентус.

Килијан Мбапе е несомнено еден од најголемите таленти во фудбалот денес, но се уште остануваат прашањата дали тој ќе остане или не во Пари Сен Жермен и по летото 2022 година.
Реал Мадрид го бара неговиот потпис, а Мбапе изјави за ТНТ Бразил:
„Јас Поминав пет извонредни години овде, го искористив секој момент и продолжувам да го правам тоа. Среќен сум и на теренот и во мојот личен живот. „Сега има многу работи, големи предизвици и веќе зборував за тоа. Но, на прашањето дали и понатаму ќе биде во ПСЖ откако ќе му заврши договорот, тој додаде:
„Тука сум, сè уште сум тука, тука сум оваа сезона“.
Откако потпиша за Атлетико Мадрид од Барселона во 2020 година на двегодишен договор, Луис Суарез наводно сака да го обнови договорот со Ванда Метрополитано според различни извори.
Со 34 години, Суарез сега се смета за еден од „постарите“ групи, иако неговите придонеси за гол по неговото озлогласено заминување од Барселона  се импресивни.
Усман Дембеле се најавуваше за потенцијално заминување во Барселона бидејќи се чини дека се водат разговори за договорот, иако претседателот на клубот Жоан Лапорта инсистираше на тоа дека планираат да го задржат францускиот репрезентативец – и дека тој е подобар од Килијан Мбапе.

„Имаме многу добри односи со Дембеле и тој сака да остане. Го сакаме и затоа што е одличен играч“, изјави Лапорта.

„Ова се ситуации за кои треба да се преговара со претставниците кои го сакаат најдоброто за играчот. Јас сум ентузијаст за Дембеле, тој е подобар од Мбапе.

Сепак Дембеле бара висока плата нешто што Барса не е во можност да го задоволи.

Пауло Дибала е една од ѕвездите на Јувентус од неговото доаѓање од Палермо во 2015 година, но се шират шпекулации за тоа дали ќе го продолжи престојот во Старата дама или не.

Се чинеше дека аргентинскиот репрезентативец силно навестуваше за неговата долгорочна иднина во Јувентус, велејќи ѝ на германската тениска ѕвезда Александар Зверев на прашањето дали сè уште ќе биде во италијанскиот град за пет години: „Можеби, се надевам дека е така. Ако дојдете во Торино во следните пет години ќе ме најдете“.

Иднината на Александре Лаказет на „Емирати“ останува нејасна, бидејќи шефот на Арсенал, Микел Артета ги избегна прашањата за договорот на Французинот на неодамнешната прес-конференција.

Артета за напаѓачот, кој е во „топчиите“ од 2017 година рече: „Толку многу се зборува. Она што можам да го кажам е дека навистина сум задоволен од она што го прави Лака во моментов е тука и реков дека нема да зборуваме за ништо од тоа до крајот на сезоната.

Според AS, преговорите за договорот меѓу Лоренцо Инсиње и Наполи се заглавени, а за потписот на напаѓачот се заинтересирани и Интер и Милан. Се шпекулира дека е можна преселба и во МЛС.

Франк Кеси постојано беше поврзуван со трансфер во Англија, а времето истекува за Милан да договори нови услови за играчот од средниот ред. Неговиот агент ги демантираше тврдењата дека тој ја одбил понудата за нов договор, но тој ќе може да разговара со други клубови почнувајќи од јануари – како што се Манчестер Јунајтед и Тотенхем, наводно, заинтересирани за неговиот потпис.

Според „Газета дело Спорт“, Интер е заинтересиран да ги задржи услугите на 32-годишниот Иван Перишиќ, чиј договор истекува на лето. Перишиќ игра во пристојна форма за Интер со оглед на неговата возраст, постигнувајќи три гола и една асистенција на 15 натпревари во Серија А.

По девет години измачување во шпанската престолнина со трансферна сума која ги сруши рекордите на англискиот фудбал, договорот на Герет Бејл со Реал Мадрид конечно истекува на лето.

Можна опција за Бејл е враќањето во Тотенхем, каде што помина на позајмица во 2020-2021 година.