Белгискиот фудбалер Дивок Ориги би можел по неполни осум години да го напушти Ливерпул и да го засили Фенербахче кој му понудил извонредна плата, тврдат турски и англиски медиуми.

Ориги во последните години беше во втор план кај Јирген Клоп, иако имаше значајна улога во освојувањето на Лигата на шампионите пред две и пол години, кога постигна важни голови против Барселона и против Тотенхем.

Ориги двапати беше на позајмица од Ливерпул. Прво во Лил, веќе во првата сезона по пристигнувањето на „Енфилд“, а потоа и во Волфсбург. Неговиот договор истекува на крајот од сезоната.

Месут Озил од Арсенал минатиот јануари се пресели во Фенербахче, а ова би бил нов голем трансфер од Премиер – лигата во Турција