Најдобриот српски и светски тенисер Новак Ѓоковиќ повторно остана без виза за влез во Австралија. Министерот за имиграција Алекс Хок му ја укина визата и Ѓоковиќ треба наскоро да ја напушти земјата доколку неговата жалба на оваа одлука биде одбиена. Тоа е тежок удар за него бидејќи нема да може да ја одбрани титулата на неговиот омилен Грен слем.
Министерот за имиграција Алекс Хок не му дозволи на Ѓоковиќ виза, велејќи дека тој одлучил да ги искористи своите овластувања според член 133C (3) од Законот за миграција за да му ја одземе визата врз основа на здравствена состојба, и дека тоа е во јавен интерес. Одлуката на Хок се чекаше неколку дена, а името на Ѓоковиќ, пак, се најде на ждрепката за Австралија опен, каде што беше прв носител на турнирот кој започнува на 17 јануари.
https://twitter.com/political_alert/status/1481882228489539586?ref_src=twsrc%5Etfw%7Ctwcamp%5Etweetembed%7Ctwterm%5E1481882228489539586%7Ctwgr%5E%7Ctwcon%5Es1_c10&ref_url=https%3A%2F%2Fwww.index.hr%2Fsport%2Fclanak%2Fnovaku-djokovicu-opet-odbijena-viza-prijeti-mu-deportacija-iz-australije%2F2332044.aspx
Потсетуваме, по слетувањето во Австралија, тој беше приведен од федералните власти. Следеше рочиште, на кое судијата Ентони Кели му даде виза. Сепак, Австралија имаше уште еден степен да одлучува, а министерот за имиграција реши да го искористи.
