Канадскиот тенисер Денис Шаповалов им се налути на Рафаел Надал и на судијата Карлос Бернардес.
Познато е дека Надал го одложува сервисот на противникот и дека му треба повеќе време за прилагодување при примањето на сервисот.
Тоа првпат го истакна Ник Кирјос на Вимблдон пред три години, кога се скара со судијата за таа ситуација.
Сега тоа го изнервира и Шаповалов, кој му кажа на судијата дека е подготвен за сервис и да му каже на Надал да побрза.
„Колку треба да се прилагоди, погледнете. Погледнете колку време му треба, јас бев подготвен за сервис“, се пожали Канаѓанецот.
Карлос Бернардес се налути и започна расправија со Канаѓанецот, кој му рече дека „сите судии се корумпирани“.
На крајот, Надал дојде до мрежата и побара од Шаповалов да му објасни што е проблемот.
