Григорис Атанасиу, голман на грчки четвртолигаш, направил неверојатен подвиг и постигнал хет – трик. Со тоа го израмни рекордот на легедарниот парагвајски голман Хозе Луис Чилаверт.
Аматерскиот грчки голман во победата на неговиот клуб Павлос Меласе над Атос Василикон од 3-0 ги постигнал сите три гола. Тој трипати реализирал пенали на овој натпревар.
Досега ова му успеало само на легендарниот парагвајски голман Хозе Луис Чилаверт, кој во 1999 година погоди трипати за аргентинскиот Велез Сарсфилд во победата од 6-1.
Но, Чилаверт не е најдобар стрелец меѓу голманите иако постигна 67 гола. Таа необична титула му припаѓа на Роџер Сени, Бразилецот, кој целата своја кариера ја помина во Сао Паоло и се пензионираше во 2015 година, а постигна 131 гол.
