Несреќата се случила на 21 јануари 2019 година, а телото на Аргентинецот било пронајдено само еден месец по несреќата. Телото на пилотот, пак, се уште не е пронајдено.
Минатата недела патологот кој правеше обдукција објави дека Сала починал од неколку повреди на главата и градниот кош, а сега пристигнаа нови информации.
Од два примерока крв земени од телото на Сала, евидентно е дека тој пред да почине бил отруен со јаглерод моноксид. Обдукцијата покажала и дека Сала најверојатно бил во несвест пред да се урне авионот во морето, но повредите на главата и градниот кош биле фатални. Труењето со јаглерод моноксид најверојатно е предизвикано од дефект на издувниот систем на авионот.
