Хрватската кошаркарска репрезентација остана во игра за пласман на СП 2023 година.
Хрватска ја победи Шведска со 105:98 по две продолженија, во натпреварот од 4. коло од квалификациите.
Сега имаат скор 1-3 и остануваат во игра за пласман во втората фаза и за пласман на Мундобаскетот.
Хрватите одиграа неверојатен натпревар во Норчепинг, се вратија од негатива и ја совладаа Шведска со поголема разлика отколку што Шведска ги победи во претходното коло.
На полувреме заостануваа 15 поени, се вратија во игра и не се предадоа во неизвесната завршница.
Швеѓаните водеа на пет секунди до крајот и имаа кош предност, а потоа Крушлин погоди за израмнување и продолжение.
Хрватска го преживеа првото продолжение, бидејќи во последната минута се врати од -4 и го одбрани последниот напад на Шведска за победа.
Во второто продолжение Филиповиќ и Зубчиќ постигнаа неверојатни тројки, одлично се снајдоа и Матковиќ и Крушлин кои во последната минута и донесоа на Хрватска +5.
Хрватите ги преживеаја сите напади на Шведска, Матковиќ имаше одлична улога и во напад и во одбрана, а Хрватска славеше.
До победата ги предводеа Филиповиќ со 29, Крушлин со 21 и Матковиќ со 16 поени и 13 скока.
Во поразениот тим се истакнаа Хакансон со 31 поен и Борг, Јеребко и Гадефорс со по 16 поени.
