Американскиот тим Хаас, кој се натпреварува во Формула 1, го раскина договорот со рускиот возач Никита Мазепин, беше потврдено денеска.
На овој начин, како што беше најавено, сакаа да се солидаризираат со украинскиот народ кој веќе 10 дена се соочува со воена операција во својата земја од страна на Русија.
Исто така, главен спонзор беше руската компанија Уралкали, но во иднина тоа повеќе нема да биде така бидејќи соработката со нив е прекината.
Хаас е во сопственост на Јуџин Хас и тие се релативно нов тим во Формула 1. Тие се натпреваруваат од 2016 година, имаат еден од најмалите буџети во караванот, а со доаѓањето на Никита Мазепин го привлекоа вниманието на рускиот спонзор Уралкали. кој донел пари. Сето ова се случи само една недела пред почетокот на новата сезона во Формула 1, а прашање е како Хаас ќе продолжи да се финансира.
Никита Мазепин имаше само неколку солидни трки на крајот од сезоната, но покрај тоа се однесуваше арогантно на патеката и надвор од неa, а го следат и бројни контроверзи. Тој е син на рускиот милијардер Димитри Мазепин и многумина веруваат дека токму ова му била картата за влез во Формула 1.
Хаас за негова замена ќе го назначи или Пјетро Фитипалди или Антонио Џовани.
