Фантастична приказна ни доаѓа од Франција која потврдува дека никој никогаш не треба да се откаже од сонот. Џонатан Клос, играчот на Ленс се најде на списокот на фудбалери на француската репрезентација за претстојните натпревари со БС Коска (25 март) и со Јужна Африка (29 март).

Со воодушевување во Ленс го проследија објавувањето на името на нивниот соиграч од страна на селекторот Дидие Дешамп. Клос кој има 29 години и игра како десен офанзивен бек ќе дебитира за францускиот национален тим.

 

Во профи фудбалот влегува на 25 години. Претходно играл аматерски фудбал.

Кариерата ја почнал во германскиот шестолигаш Линкс, во сезоната 2015/16 настапува за францускиот четвртолигаш Рајон Етап, а во 2016/17 за францускиот третолигаш Авранш. Наредната сезона ја минува во второлигашот Кевили, а во 2018 до 2020 настапува за германскиот второлигаш Арминија Билефелд. Од 2020 година е член на Ленс.

 

Токму во Ленс се препороди, сезонава има три гола и шест асистенции што е најдобар ефект од едно десно крило/бек во француската Лига 1.