Второлигашкото кошаркарско градско дерби во грчкиот град Волос помеѓу екипите на Ники и на Олимпијакос донесе голем инцидент, откако еден од присутните навивачи бил тешко повреден од петарда која била фрлена кон него, а која експлодирала во близина на неговото лице.

Тој веднаш бил префрлен во болница, каде што му било утврдено дека го загубил слухот односно останал глув.

„Со тага ја проследивме веста за тешката повреда на нашиот навивач по фрлената петарда пред почетокот на натпреварот со Олимпијакос. Целиот клуб стои позади верниот фан, со цел да му помогнеме во овие тешки времиња. Што се однесува до тој што ја фрлил петардата, такви ретардирани навивачи не ни требаат во спортот. Ќе сториме се за да ги елиминираме овие ликови од спортските терени“, се вели во соопштението од екипата на Ники Волос.