Заминување на Лионел Меси од Барселона како слободен агент предизвика бура од реакции во светот на фудбалот. Првиот човек на Ла Лига, Хавиер Тебас жали што натпреварувањето остана без најдобриот во историјата.

Тој упати и своевидна критика кон Барселона и изјави дека заминувањето на Меси од Барселона можело да биде избегнато.

„Знам со сигурност дека неговото (Меси) заминување не беше од економски причини и дефинитивно можеше да биде избегнато. Можеби заминувањето на Меси мене најмногу ме погоди, бидејќи јас лично сметам дека тој е најдобриот фудбалер во историјата“, изјави претседателот на Ла Лига, Хавиер Тебас.