Фудбалерите на Бетис имаа одличен старт на сезоната и долго беа во топ-4 во Ла Лига, меѓутоа серијата на лоши резултати ги исфрли на петтото место.

Сепак, екипата не се предава од сонот да заигра во Лига на шампиони (ЛШ), па со победата од 4-1 против Осасуна дојде на чекор до остварување на истиот.

Хуанми со два гола во првото полувреме ја најави победата на Бетис, иако Будимир ја врати неизвесноста во мечот во 65. минута.

Во последните 10 минути Карваљо и Морено стрелаа уште двапати во мрежата на Осасуна и ја запечатија победата од 4-1.

Бетис е петти во шпанското првенство со 53 бодови, односно еден помалку од Барселона.