Младиот дефанзивец имаше договор до летото 2023 година и Барселона сакаше да го врзе на дополнителни три години. Ова е само продолжение на добрата политика на Барселона во последно време, а следен кој треба да потпише нов договор е Гави.
Претходно, договорите лани ги потпишаа Ансу Фати и Педри, кои исто како и Араухо во новиот договор имаат отштетна клаузула од една милијарда евра.
Араухо претходно категорично ја одби понудата на Барселона за нов договор, но потоа преговорите влегоа во позитивна насока и овој млад дефанзивец во иднина ќе биде една од важните алки во тимот на Чави.
Барселона е во серија победи во Ла Лига, изби на второто место иако беше деветта кога ја презеде Чави, додека во првиот натпревар од четвртфиналето на Лига Европа синоќа ремизираше во Франкфурт против Ајнтрахт (1-1), но реваншот ќе го игра на „Камп Ноу“.
