Ѕвездата на Манчестер јунајтед, Кристијано Роналдо се извини затоа што му го скрши телефонот на еден навивач по завршувањето на натпреварот во кој неговиот тим загуби од Евертон со 0-1.

Инцидентот се случи на влезот на тунелот кој води кон соблекувалната, а снимката на која се гледа како Роналдо го удира телефонот се појави на социјалните мрежи.

„Никогаш не е лесно да ги контролирате емоциите во тешки моменти како овие. Сепак, мора да се почитуваме и да бидеме трпеливи. Сакам да се извинам поради мојот потег и го поканувам навивачот да гледа натпревар во Манчестер во знак на фер-плеј и спортски дух“, кажа Роналдо.