Македонската ракометна репрезентација пристигна во Злин за првиот дуел против Чешка, со голема надеж да обезбеди место на Светското првенство 2023 година. Кирил Лазаров и неговите ракометари битката ја почнуваат во Злин, ќе ја продолжат во Скопје пред преполни трибини, а ниту денес на ова гостување нема да останат без огромна поддршка од страна на Македонците низ Европа.

Македонската „фаланга“ од Виена  веќе се организираше за средба во Злин. Околу 60 навивачи се најавени за вечерашната пресметка (20:15 часот). На својата официјална страница фановите од Виена испратија апел до сите кои ќе дојдат во овој чешки град, собирот е во 19:15 часот пред салата.

Нашите ракометари секако се среќни дека ќе имаат поддршка од трибините, за нив ќе биде голем ветер во грб, но и мотив повеќе од Чешка да се вратат со резултат, кој ќе им ги отвори широко вратите кон Мундијалот.