Динамо Загреб дојде до исклучително важна победа во првата лига на Хрватска, победа која ја обезбеди нашиот репрезентативец Аријан Адеми.
Актуелниот првак славеше над Горица со 1-0 и со тоа ги искористи киксовите на најблиските конкуренти Осијек и Хајдук, првите загубија од Ријека со 3-1, вторите пак ремизираа со Славен Белупо. Клучниот момент се случи во самиот финиш (86 минута) кога капитенот Адеми се најде на вистинското место и ја затресе мрежата на домашниот тим.
Ова за Аријан беше трет сезонски гол и со истиот Динамо сега има плус пет и плус шест во однос на Осијек и Хајдук на четири кола до крајот.
Интересно е што судијата најверојатно ќе ја прекинеше акцијата во која Адеми постигна гол но свирчето му падна на тревата.
Инаку на оваа средба сите 90 минути ги одигра и десниот бек Стефан Ристовски.
