Поранешниот клуб на Езџјан Алиоски, Лидс ремизираше без голови на гости кај Кристал Палас, за да врзе ѝ петти меч во низа без пораз, но далеку е тимот од „Иланд роуд“ од сигурен опстанок на пет кола до крајот на сезоната во Премиерлигата.

Екипата на Лидс успеа да се одбрани, посебно од Вилфред Заха, првата ѕвезда на Кристал Палас, кој девет минути пред крајот имаше супер шанса, откако домаќините претходно пропуштија низа добри можности, но младинскиот француски репрезентативен голман Илан Месле го спасуваше својот тим од пораз и ја продолжи серијата со второ реми во овие пет меча без пораз.

Кристал Палас имаше дури девет директни удари кон голот, Лидс само два, домаќините во секој поглед беа подобри, но не победија за да направат голем исчекор кон опстанокот, па сега со 38 бода се девет над Евертон, кој има и меч помалку и сѐ уште без  теоретско заверување на опстанокот.

За домаќините ова беше 14-то реми, а за Лидс десетто, со 34 бода се втори над црвената зона со четири бода повеќе од првиот во неа Евертон со меч помалку.