Легендарниот шпански фудбалер и капитен на Бетис Хоакин, кој на 21 јули ќе наполни 41 година, на особено емотивен начин ја прослави неодамнешната победа на Купот на кралот во Севиља.
По големата драма, и победата на пенали против Валенсија во финалниот меч , Хоакин само падна на колена и ги крена рацете кон небото. Тоа беше негов втор трофеј во Купот на кралот освоен во дресот на Бетис, а претходниот пат беа најдобри во 2005 година.
Хоакин и пред точно 14 години го освои Купот на кралот во дресот на Валенсија.
Тогаш позираше гол покрај трофејот, а сега ја повтори оваа необична прослава.
