Реал Мадрид се откажува од Лука Јовиќ и Маријано Дијаз, а Карло Анчелоти за следната сезона во нотесот го има името на Раул де Томас. Напаѓачот на Еспањол игра одлично, сезонава постигна 15 гола, а интересно е што ги мина сите помлади категории на Реал Мадрид.

Тој беше на бројни позајмици, но кога во сезоната 2018/19 експлодираше во Рајо Ваљекано, Реал Мадрид го продаде на Бенфика за 20 милиони евра. По една сезона во португалскиот клуб, Еспањол реши да го купи за 15 милиони и Раул де Томас повторно експлодираше.

Од доаѓањето во Еспањол постигна 43 гола на 85 натпревари привлекувајќи го вниманието на големите клубови.

Реал Мадрид би можел да го врати по три години, како алтернатива на Карим Бензема.

Ерлинг Халанд е можеби и неостварлива цел, а желба број еден е Килијан Мбапе, но тој секако нема да му биде конкуренција на Бензема.