Австралискиот тенисер Ник Киргиос своевремено важеше за еден од најголемите светски таленти. Тој беше 13-ти играч во светот на врвот на кариерата, но неговиот жежок темперамент во комбинација со животните тешкотии го оддалечи од теренот. Човекот кој го освои својот прв Грен слем сезонава, Австралија опен во двојки, денес е 75-ти во светот.
Во интервју за австралискиот Канал 9, тој ја раскажа својата животна приказна. Тој откри како се борел со депресија и самоубиствени мисли, но и изрази незадоволство од начинот на кој публиката го доживува. “Балансот е нешто што ми е прилично тешко да го најдам. Така е од детството. За мене игрите се секогаш емотивен рингишпил”, започна Киргиос, откривајќи дека кошарката е еден од начините за него да го пронајде посакуваната рамнотежа.
“Навистина се трудам и понекогаш тоа е голема борба за мене. Понекогаш се будам подготвен за се, понекогаш едноставно не сакам да излезам од мојата соба. Се соочувам со проблеми кои ги имаат сите луѓе.
Тој откри низ какви проблеми поминувал во 2019 година. „Беше многу сериозно… до тој степен што си ја повредив раката… И тоа не е добро“, рече Австралиецот.
“Цело време се чувствував како да сум ги изневерил сите околу мене. Се сметав себеси за целосно безвредна и во еден момент го мразев сопствениот живот. Користев големи количини алкохол и дрога, навистина бев надвор од контрола. Мислам дека ги оттурнав сите кои се грижеа за мене, не комуницирав. Само молчев, но се обидував да се борам“, додаде тој.
Ниту 2020 година не беше лесна: „Имав самоубиствени мисли, буквално се мачев да станам од кревет за да излезам и да играм пред милиони луѓе. Бев осамен, депресивен, негативен, пиев, земав наркотици и не бев во контакт со семејството и пријателите“.
Моментално живее нов живот. „Сега воопшто не пијам, понекогаш пијам чаша вино за време на вечерата“.- заврши Киргиос .
