Полската тенисерка Ига Свјонтек се пласираше во осминафиналето со победата од 2-0 во сетови над Црногорката Данка Ковиниќ.
Свјонтек беше подобра но потешко од од очекуваното, по час и половина игра – 6:3, 7:5.
Ова беше 31. победа во низа за најдобрата тенисерка на светот, а во осминафиналето ќе игра против подобрата од дуелот Женг – Корне.
Ига направи некарактеристично многу грешки од почетокот на мечот, а Ковиниќ не ризикуваше многу, па целта и беше да и парира на ривалката во поле.
Свјонтек направи брејк за 3:0, но потоа загуби два сервиси за 4:3.
Сепак, следните осум поени и припаднаа на Полјакињата.
Фуриозниот финиш на првиот сет ја одведе Свјонтек во многу подобра игра во вториот сет и сите очекуваа најдоминантната личност во тенисот во моментов рутински да ја заврши работата.
Сепак, црногорската претставничка го подигна нивото на игра и почна да игра крајно прецизно и разноврсно.
Таа ги врати двата брејка, стигнувајќи до 5:4, но притисокот не е збор што го знае 20-годишната тенисерка од Полска.
Таа повторно го забрза ритамот, направи брејк од 30:0, а потоа лесно сервираше за победа.