Холанѓаните во драматична завршница го победија Велс со 3-2 и така стигнаа до третата победа во Лигата на нации, додека Полска загуби од Белгија со 0-1, а вчера се радуваа и Босна и Херцеговина против Финска со 3-2, како и Црна Гора со Романија (3-0).

Ланг и Гакпо за само 23 минути ѝ донесоа солидно водство на Холандија, но Џонсон ја врати неизвесноста само три минути подоцна, додека финишот беше ептен возбудлив, а најпрво Бејл од пенал погоди за 2-2 во 92. минута, но во следната минута Депај ги расплака гостите и стрелаше за 3-2.

Белгија ја совлада Полска на гостувањето во Варшава со погодокот на Батшуаи во 16. минута, па така остана во трка за првата позиција.

Холандија е прва со 10 бодови, по што следи Белгија со седум, Полска има четири, а Велс има еден бод.

БиХ вечерва одигра возбудлив меч против Финска, но сепак на крајот славеше со 3-2, додека Црна Гора ја уништи Романија со 3-0.

По три одиграни меча во групата прва е БиХ со пет бодови, по што следат Финска и Црна Гора со по четири, а Романија има три.

На останатите натпревари Украина ремизираше со Ирска (1-1), Луксембург одигра 2-2 со Фарски Острови, Турција славеше против Литванија со 2-0, а Лихтенштајн загуби од Летонија со 0-2.