За „коцкестите“, тоа ќе биде шесто европско првенство по ред и вкупно седмо од осамостојувањето од кога пропуштија само едно првенство, она во 2000 година во Белгија и Холандија.
Овој натпревар има историско значење бидејќи беше последен квалификациски во кариерата на Лука Модриќ. Плејмејкерот на Реал најави дека ќе го одигра уште Европското првенство и потоа заминува во репрезентативна пензија, на 39-годишна возраст.
Од целата ситуација извиси Велс, кој дома одигра реми 1-1 со Турција и ќе патува во баражот за Европското првенство. Турците поради бодот со Островјаните завршија како првопласирани во групата во која е и Хрватска, која е втора.
Романија во директна пресметка за врвот во групата со 1-0 ја победи Швајцарија во Букурешт и ќе се најде во вториот шешир на ЕП 2024.
Грција и Франција во дуел кој не решаваше ништо одиграа 2-2, Холандија очекувано го торпедира Гибралтар (6-0), а Израел освои три бода кај Андора (2-0). Косово дома изненадувачки загуби од селекцијата на Белорусија (0-1).
РЕЗУЛТАТИ
Андора – Израел 0-2
Гибралтар – Холандија 0-6
Грција – Франција 2-2
Хрватска – Ерменија 1-0
Косово – Белорусија 0-1
Романија – Швајцарија 1-0
Велс – Турција 1-1
