Српските гиганти Црвена Звезда и Партизан во последните 10 години од државата добиле 130 милиони евра, и тоа дел од парите од буџетот, а дел од спонзорски договори со државни компании, но сепак не си го платиле данокот од 25 милиони евра и поради тоа реагираше српскиот претседател Александар Вучиќ.

Вучиќ во изјава за српските медиуми кажа дека државата Србија нема никого да толерира ако не плаќа данок, а нема да им прости ниту на вечните ривали од Белград.

„Големи долгови имаат Партизан и Црвена Звезда. Верувам дека ќе можат со подготвен план за реорганизација да си ги платат своите обврски кон државата. А ако не го направат тоа, тогаш ќе им следи блокада, а потоа ќе завршат во стечај“, кажа Вучиќ.