На бразилското крило Рафиња не му требаше многу време да покаже зошто Барселона му плати на Лидс речиси 60 милиони евра за него. Во рамките на американската турнеја и подготовките за новата сезона, каталонскиот клуб одигра пријателски натпревар со најголемиот ривал Реал Мадрид во Невада и победи со 1:0.
25-годишниот Бразилец го постигна решавачкиот гол во 27. минута. Одбраната на Реал погреши при и топката дојде до Рафиња, кој шутираше од дваесетина метри и го погоди голот на немоќниот Тибо Куртоа. Дека ваквите натпревари се играат од маркетиншки, а не од „пријателски“ причини докажа и конфликтот меѓу играчите на теренот кој го иницираа Родриго и Серхио Бускетс.
За Барса првпат настапи и Роберт Левандовски, додека Карло Анчелоти почна претпазливо што се виде со оставањето на Касемиро, Модриќ и Крос на клупата во првото полувреме.
