Американскиот тенисер Френсис Тиафо се пласираше во полуфиналето на УС Опен победувајќи го Русинот Андреј Рубљев со 3-0 во сетови.
Тиафо го совлада Рубљев по нешто повеќе од два и пол часа игра, во сетови – 7:6(3), 7:6(0), 6:4.
Американецот покажа дека победата во четвртфиналето против Рафаел Надал не беше случајност и дека е сериозен кандидат за титулата во Њујорк.
Двајцата тенисери добро сервираа во првиот сет, но имаше брејк топки – Тиафо спаси два во петтиот гем, а потоа промаши една во 11-от.
Потоа успеа да ја спаси сет топката, а во тај-брејкот беше доминантен, губејќи само три поени.
Во вториот сет доминираа сервисите и се виде само едно израмнување, за Рубљев целосно да „потоне“ во тај-брејкот и да го загуби со нула.
https://twitter.com/usopen/status/1567601906532646912?ref_src=twsrc%5Etfw%7Ctwcamp%5Etweetembed%7Ctwterm%5E1567601906532646912%7Ctwgr%5E66f95850cb9544b21d2f83f577b3696c66491883%7Ctwcon%5Es1_c10&ref_url=https%3A%2F%2Fwww.b92.net%2Fsport%2Fusopen2022%2Fvesti.php%3Fnav_id%3D2209924
Русинот беше блиску и во двата сета, оправдано се надеваше во третиот, но …
Тиафо притисна. Во третиот гем не искористи две брејк топки, но во седмиот ја направи првата – само за првиот брејк во целиот меч.
https://twitter.com/usopen/status/1567611283868110849?ref_src=twsrc%5Etfw%7Ctwcamp%5Etweetembed%7Ctwterm%5E1567611283868110849%7Ctwgr%5E66f95850cb9544b21d2f83f577b3696c66491883%7Ctwcon%5Es1_c10&ref_url=https%3A%2F%2Fwww.b92.net%2Fsport%2Fusopen2022%2Fvesti.php%3Fnav_id%3D2209924
Со многу проблеми успеа да го потврди брејкотт, спасувајќи две брејк топки, на општо задоволство на полниот стадион „Артур Еш“.
Недолго потоа го совлада Рубљев и заслужено стигна до првото Грен слем полуфинале во кариерата.
Дваесет и четиригодишниот Тиафо во полуфиналето ќе игра со победникот од мечот Синер-Алкарас, додека во вториот меч ќе се сретнат Руд и Хачанов.
