Екипата на Валенсија одигра 2:2 против Елче во шпанската Ла Лига. „Лилјаците“ важеа за фаворити но не ја оправдаа улогата. Гостите поведоа со гол на Пере Мила од пенал во 29. минута, меѓутоа Едисон Кавани со два гола пред крајот на првото полувреме го сврте резултатот во корист на Валенсија. Тоа беа први голови на Уругваецот за клубот од Местаља.
Сепак, Елче извлече бод со вториот погодок на Мила на мечот во 65. минута.
Валенсија го впиша второто реми сезонава, а Елче е последен со три бода од кои два освои во последните две кола.
Претходно Џирона и Кадиз одиграа 1:1, вечерва ќе се судрат Мајорка-Севиља а во дербито Атлетик Билбао – Атлетико Мадрид.
