Фудбалерите на Нотингем Форест по седми пат сезонава се поразени во Премиер лигата. Денеска во 10. коло изгубија на гостувањето кај Вулверхемптон со 1:0. Единствениот гол го постигна Рубен Невеш од пенал во 56. минута.

Во 79. минута Нотингем доби шанса да изедначи од пенал. Но ударот од белата точка на Бренан Џонсон го одбрани домашниот голман Хозе Са (негов втор одбранет пенал сезонава). Така Нотингем изгуби и е закован за последното место на табелата, а Вулверхемптон скокна над опасната зона (Нотингем има 5 бода, а Вулверхемптон 9).

 

Фулам и Борнмут ремизираа 2-2 во вториот попладневен меч денеска, а српската ѕвезда Александар Митровиќ го обезбеди бодот за лондончани со гол од пенал во 52-та минута од мечот, откако Борнмут по пола час игра двапати доаѓаше во водство.

Соланке после само две минути ги шокираше домаќините, а тие откако израмнија преку Диоп во 22-та, следеше нов шок со гол на Лерма во 29-та на асистенција на Соланке. Митровиќ реализираше седум минути по стартот на вториот дел.

Соланке имаше извонредна шанса за трето водство за гостите, но домашниот голман одбрани, a Митровиќ на спротивната страна во судиското продолжение се најде во ситуација за да донесе победа, но шутот му заврши покрај дирекот.

Со по еден бод на контото, Бормуt дојде на 13 на деветтото место, а Фулам со 12 една позиција под ривалот.