Баскиската гордост Атлетик Билбао влезе во сериозна криза со трет меч по ред без победа, иако вчера двапати водеше на гостувањето кај Хетафе, но не успеа да триумфира, па со ремито 2-2 стигнаа до трет меч во низа без победа во Ла Лига.

Хетафе постигна гол за израмнување 2-2 на 14 минути пред крајот откако Ињаки Вилијамс по две минути игра и Раул Гарсија еден час потоа двапати му носеа предност на Атлетик на мечот. Карлос Алења го даде првиот гол за Хетафе во 27-та минута од мечот.

Атлетик Билбао го запиша третото сезонско реми, па сега со 18 бода е шестопласиран, додека за Хетафе со ова второ реми во низа од вкупно трите досега, дојде до девет бода и е 15-то пласиран на табелата во Ла Лига.