Вицешампионот Еурофарм Пелистер едвај победи против Пролет со 24-23 во возбудливиот натпревар на кој битолчани имаа големи минус пет гола, но во завршницата успеаа да дојдат до пресврт и триумф.

Пролет имаше големи 21-16 и потоа ракометарите на скопскиот тим загубија здив, а Пелистер успеа да направи кам-бек за да дојде во егал ситуација 22-22, а потоа и да поведат со 24-22 за да исчекорат кон победата. Пролет имаше шут за реми, но ударот на Аларов од десет метри заврши во дирекот од голот на битолчани.

Хосни даде шест гола како прв стрелец на Пелистер, а Костески додаде четири. Кај Пролет, Аларов даде пет, а Палевски погоди четирипати.

Охрид го победи Вардар Неготино со 28-25, додека вториот тим на Пелистер немаше проблем да слави против Јуниор Кисела Вода со 33-28, а Ненад Белистојановски беше предводник со шест гола.

Победи и Тиквеш против Голден Арт со 28-21 во меч на кој гостите во Кавадарци се држеа едно полувреме, но во вториот дел кавадарчани на искуство успеаа да дојдат до сигурен триумф.