Голгетерот на Пари Сен Жермен, Килијан Мбапе го подобри постигнувањето на својот соиграч Лионел Меси. Французинот сега е најмладиот играч со 40 гола во ЛШ. Тој ја достигна оваа граница на 23 години, 10 месеци и 13 дена. Претходно, Меси го држеше рекордот постигнат на возраст од 24 години, 4 месеци и 8 дена.
Мбапе синоќа постигна еден од головите во победата на ПСЖ над Јувентус од 2-1. Парижаните сепак не успеаја да го задржат првото место во групата. Тие паднаа на втората позиција откако Бенфика го прегази Макаби Хаифа со 6-1 во Израел.
„Се пласиравме во осминафинале што е главно за нас. Не ја освоивме групата, но такви работи се случуваат во фудбалот. Бевме малку несигурни на почетокот, но ова е ЛШ и победата е најважна работа. Мило ми е што постигнав гол и победивме. Ќе видиме каков противник ќе ни даде ждрепката“, прокоментира Мбапе по мечот.
40 - At 23 years, 10 months and 13 days, Kylian Mbappé is now the youngest player to score 40 goals in UEFA Champions League history, overtaking Lionel Messi (24 years, four months and eight days in November 2011). Supersonic. #JUVPSG pic.twitter.com/t7gQvtLa7c
— OptaJean (@OptaJean) November 2, 2022