Џерард Пике, ѕвездата на Барселона и некогашен репрезентативец на Шпанија, фудбалер кој освои се што може да се освои објави на своите социјални мрежи дека заминува во фудбалска пензија.
И дека натпреварот во сабота со Алмерија во Ла Лига ќе биде негов последен во кариерата.
Се разбира дека ова е шоканта вест ако се знае дека тој имаше намера ова да го стори, но не сега. Интересно тој беше на еден од списоците на Луис Енрике за СП во Катар.
„Сакам да кажам дека е време да се затвори овој круг. Отсекогаш сум велел дека после Барселона за мене нема друг клуб. Така и ќе биде“ истакна Пике на своите социјални мрежи.
Пике во својата кариера освои 8 првенствени титули, 4 пехари во ЛШ, беше и европски и светски првак со Шпанија, и уште многу други титули.
