Португалија е третата репрезентација осминафиналист на Мундијалот, откако триумфираше со 2-0 против Уругвај. Првиот дел заврши без голови, а потоа Бруно Фернандеш успеа да ги скрши Уругвајците.

Во 54.минута, Бруно Фернандеш нафрли кон Кристијано Роналдо, но тој не ја зафати топката со глава, а таа ја затресе мрежата на Уругвајците. Тие имаа можност да израмнат, но Максимилијано Лопез го погоди дирекот, а Луис Суарез беше за малку непрецизен.

Бруно Фернандеш од пенал во завршницата постигна и втор гол за триумф на Португалија.