Селекцијата на Шпанија е најголемиот добитник во групата-Е! Фудбалскиот свет е шокиран по синоќешниот расплет во групата-Е на СП во Катар. Јапонија ги победи и Германија и Шпанија и го освои првото место. Германија и Костарика си одат дома, а Шпанија е втора и тоа откако синоќа на шокантен начин загуби од Јапонија.

 Шпанија беше на работ на бездната, во еден момент при водството на Костарика против Германија беше и во аут од пласман во 1/8 финалето.

Ако работите се одвиваа како што треба четата на Луис Енрике во 1/8 финалето ќе играше со Хрватска а во 1/4 финалето со Бразил. Во овој момент тие ќе играат со Мароко, кој игра одлично на СП, но сепак Хрватска е поопасен ривал.

Сега Шпанците се оправдуваат,  дека играле до максимум ангажирано, играле за да победат, но би требало јавно Енрике да и се заблагодари на Германија, која токму со тој пораз на Шпанија од Јапонија си замина од Катар.